Një person u arrestua nga policia e Tiranës që ka sekuestruar rreth 1 kokainë.
Policia sqaron se B.T., 55 vjeç, banues në Bërxullë, u vu në pranga në kuadër të aksionit të koduar ”Disponimi 2”, që erdhi bazuar dhe në të dhënat e grumbulluara në rrugë operative, se një shtetas posedonte dhe shpërndante lëndë narkotike kokainë në zona të ndryshme të qytetit të Tiranës.
Në rrugën “Jordan Misja”, shërbimet e Policisë kanë lokalizuar dhe arrestuar në flagrancë shtetasin B.T., 55 vjeç, të cilit gjatë kontrollit të automjetit iu gjet dhe sekuestrua në cilësinë e provës materiale 1 kg e 34 gramë lëndë e dyshuar narkotike kokainë, shtuan të njëjtat burime.
Bashkë me kokainë, të arrestuarit iu sekuestrua një automjet dhe një aparat celular.
Vijon puna për identifikimin dhe kapjen e personave të tjerë të përfshirë në këtë veprimtari kriminale, ndërsa materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale “Prodhimi dhe shitja e lëndëve narkotike”, thuhet më tej në njoftimin e policisë.
