Pas hapit fals me Newcastle në një ndeshje shumë të dobët, Man. United bën autokritikë teksa arrin të fitojë 3-1 ndeshjen e fundit për vitin 2021.
Në “Old Trafford” të tejmbushur për sfidën e fundit për këtë vit, Man. United nuk e diskutoi fitoren me Burnleyn ku gjithçka u vendos në pjesën e parë me 4 gola dhe shumë spektakël.
Që në minutën e 8’ mesfushori skocez McTominay zhbllokoi ndeshjen dhe në 27’ një autogol i Mee duket se vendosi fatin e takimit.
Më pas në 35’ erdhi edhe radha e Ronaldos për të shënuar golin e 14’ këtë sezon me fanellën e Man. United ndërsa Lennon në 38’ realizoi golin e nderit për miqtë.
Pjesa e dytë ishte më shumë kontrolluese për skuadrën e Rangnick që me këtë fitore shkon në kuotën e 31 pikëve po aq sa West Ham i vendit të pestë.
