Nga Titi Seranaj
Grabitja e pasurive publike, dhe pronave private të shqiptarëve që ndodh çdo ditë në qendrën e Tiranës nuk ndalet me veting dhe nuk kanë nevojë për veting.
Shkatërrimi i zonës historike dhe asaj përreth duke shkelur kushtetutën, ligjet dhe çdo të drejtë themelore mbi trashëgiminë dhe pronën është treguesi më i qartë se reforma në drejtësi jo vetëm ka dështuar, por është e kapur nga pushteti dhe po i shërben korrupsionit të zyrtarëve të lartë.
Diku reduktohet zona historike në mënyrë të paligjshme, diku përdoret në mënyrë të paligjshëm ligji për kthimin dhe kompesimin e pronave, diku bëhen shpronësime në emër të zhvillimit për interesit publik, e diku përdoret ligji i trashëgimisë kulturore, por që emëruesi i përbashkët është shkatërrimi dhe grabitja e trojeve nga mafja e betonit për ngritjen e kullave për përfitime të pushtetarëve të paprekshëm dhe oligarkëve rreth tyre.
“Cirku” me pronat e Cirkut që ka 20 vjetë që kolovitet në litarët e pushtetit i dha fund grabitjes së copës së fundit që kish ngelur nga kafshimet.
Me veprimet dhe mosveprimet nga institucionet shtetërore dhe pa patur as turpin më të vogël në atë çfarë deklarojnë, ministrja e kulturës ia hodhi fajin pandemisë, për “harresën” në sirtar të vendimit të gjykatës administrative, për ta apeluar sipas ligjit brënda afateve në gjykatat e shkallëve më lartë..E humbëm cirkun për proçedurë.
” Cirkun” që bënë me pronën eTeatrit Kombëtar deri sa e shembën e pa gjithë bota mbarë përveç organeve të drejtësisë. Dosjet e panumërta flehin në sirtarët e SPAK – ut e ndërkohë që pozat e Kimit herë me Krajën e herë me Veliajn dhe herë të tre bashkë nuk mungojnë.
Kullat tek Sahati, kullat tek pesëmbëdhjetë katëshi, kulla tek hotel Vjosa të gjitha po ngrihen në mënyrë të paligjshme, me leje të firmosura nga Rama – Veliaj, truajet e të cilave u shpronësuan për interes publik me taksat tona dhe mëpas iu dha oligarkëve.
U tha se do ndërtohej nënstacion elektrik, pas 15 – katëshit pronarët legjitim u shpronësuan me taksat tona, sot çeshtjen po e ndjekin në straburg dhe prej andej po me taksat tona do të paguhet vlera reale e grabitjes së pronës, e ndërsa Rama e kompani gëzojnë të drejtën e pronës nga ku nxjerrin përfitime marramendëse pa iu hyrë gjemb në këmbë nga drejtësia e Rama- Kim – Krajës.
E njëjta formulë u përdorë dhe për shembjen e hotel Vjosës, u shpronësuan për interes publik, për ngritjen e një nënstacioni elektrik dhe parkim për transportin publik duke e konsideruar dhe “çibanin e fundit” atë ndërtesë dhe pak muaj më vonë jepet leja për ndërtimin e një shumëkatëshi në formën e një koke gjigande, mbi këtë truall të grabitur, me gjasë koka e vetë Ramës.
E ndërkohë prona private e Sarajeve pushtohet me forca policore, pak kohë më parë u tentua ti vihej flaka, por falë interesimit dhe gadishmërisë të vetë Erjon Veliajt, flakët u shuan, zjarrvënësi megjithse i filmuar qartë nga kamerat e sigurisë nga ambjentet aty pranë, ka ikur në drejtim të paditur. Në atë drejtim që vetëm Erjon Veliaj mund ta dijë.
Nuk jemi kundër zhvillimit, jemi kundër shkatërrimit, grabitjes dhe shkeljes së ligjit.
Ligji është i barabartë për të gjithë, thjeshtë disa janë mbi ligjin.
