Një shpërthim ka ndodhur mbrëmjen e sotme, në ambientet e një Universiteti privat në kryeqytet, në afërsi të Rinasit.
Burimet policore bëjnë me dije se një bombol ka shpërthyer si pasojë e rrjedhjes së gazit.
Nuk raportohen dëme në njerëz, ndërsa grupi hetimor ndodhet në vendin e ngjarjes dhe po punon për zbardhjen e plotë të shkaqeve të incidentit.
Tiranë/ Informacion paraprak
Me datë 09.12.2021, rreth orës 20:35, në rrugën e “Rinasit”, ka ndodhur një shpërthim në një godinë të një subjekti privat, konkretisht në kuzhinën e mencës, ku ka vetëm dëme materiale.
Paraprakisht dyshohet se ka shpërthyer një bombul gazi si pasojë e rrjedhjes së gazit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të shpërthimit.
