Gjatë ditës së sotme ka qarkulluar lajmi se Olsi Rama dhe Ilir Daja janë përplasur pas ndeshjes së Partizanit me Vllazninë në Shkodër, ku të kuqtë u mundën 1-0.
Ashtu siç raporton “Panorama Sport” drejtori i përgjithshëm i Partizanit e ka mohuar në mënyrë kategorike këtë gjë.
“Nuk kam pasur asnjë komunikim me trajnerin pas ndeshjes. Si rrallë herë në fakt, sepse zakonisht edhe bisedojmë. Por dje nuk kemi pasur pothuajse asnjë kontakt pas ndeshjes. Nuk e di nga ka dalë kjo gjë, por e vërteta është kjo që po ju them unë. Në të shkuarën edhe kemi biseduar, apo edhe diskutuar. Fundja ne të gjithë bëjmë një punë të caktuar dhe në punë nuk ka asnjë çudi të ketë edhe debate, por dje nuk ka ndodhur kështu. Është një gjë krejtësisht e sajuar”, deklaroi Rama.
