Në ‘Air Albania”, Tirana bëri një tjetër paraqitje pozitive me lojë dhe rezultat duke u konfirmuar në krye të Superiores pavarësisht ndeshjes së Kukësit.
Bardheblutë e Shehit dominuan në çdo aspekt Kastriotin që është në krizë të thellë teksa fituan 3-0 me heroin e ndeshjes, Taulant Seferi.
Sulmuesi i bardhebluve bëri heroin me një dygolësh dhe një asist për të marrë padyshim vlerësimin si më i miri i ndeshjes teksa sfida foli vetëm për ta.
Pothuajse vetëm në një portë u lujt ndeshja të cilës nuk mund t’i bësh analizë edhe për situatën që po kalojnë krutanët ndërsa ky është suksesi i dytë radhazi për ekipin e Shehit, që tashmë e shikon veten në kuotën e 37 pikëve.
Për t’u theksuar që Tirana po rigjen goleadorin e humbur Michael Ngo’o që shënoi edhe sot e gjithashtu po merr më të mirën edhe nga Taulant Seferi që është bërë lideri i skuadrës bardheblu.
