Nga degët e Partisë Demokratike vijon edhe sot publikimi i emrave të delegatëve që mbështesin Kuvendin Kombëtar të 11 dhjetorit.
Prej disa ditësh, nga degët e PD në rrethe, por edhe në Tiranë, janë publikuar emrat e delegatëve, ndërsa ky proces është konsideruar si në kuadrin e transparencës për Kuvendin e 11 dhjetorit.
Sipas një njoftimi zyrtar nga “Foltorja”, ditën e sotme do të publikohen emrat e delegatëve nga dega e PD Lushnje, Dibër, Shijak si dhe dega nr 13 në Tiranë.
Zyrtarisht në selinë e PD, zyra e Kreut të Këshillit Kombëtar, janë depozituar emrat e 4200 delegatëve, ndërkohë që sipas të dhënave zyrtare nga Foltorja, Kuvendi i 11 dhjetorit, mbështetet nga 5500 delegatë, nga 7600 që ka gjithsej. Por rreth 1500 prej tyre ndodhen jashtë vendit.
Kuvendi i 11 dhjetorit, i thirrur nga ish-Kryeministri Sali Berisha, do të mbahet në stadiumin “Air Albania”, ndërkohë që nga PD zyrtare ai konsiderohet thjesht një miting.
Njoftimi zyrtar
Sot, te marten, dt. 7 Dhjetor do te lexohen emrat e delegateve te degeve te meposhtme te PD qe kane firmosur formularin per mbledhjen e Kuvendit Kombetar me date 11 Dhjetor.
Ne oren 12.00 :
-Dega e PD Lushnje do te lexohen nga Selia Lushnje
-deget e PD Diber dhe Bulqize do te lexohen nga selia e PD Diber
Ne oren 12.30 :
Deget e PD Shijak, Mat, dhe Dega 13 Tirane do te lexohen nga selia e PD Tirane
Ftojme mediat te marrin pjese. Faleminderit.
