Anëtari i Kryesisë së PD në Rrogozhinë Ilir Kasa, në një deklaratë për mediat nga selia e Partisë Demokratike ka sqaruar akuzat emrat e delegatëve që kanë firmosur në njësinë administrative Kryevidh dhe Lekaj.
Kasa theksoi se janë gjithsej 51 delegatë nga rrethi Kavajë që janë firmosur për të qenë në Kuvendin e 11 dhjetorit dhe se të gjitha firmat janë origjinale.
‘Në njësinë Kryevidh është problem i sqaruar, sepse Ardian Lika ka thënë se emri i tij nuk është në firmat e delegatëve të 4200 personave.
Në Lekaj, 2 delegatë kanë thënë se nuk kanë firmosur. Hekuran Xhani ka firmosur formularin dhe është dorëzuar pranë firmëtarëve, edhe Durim Leçini në cilësinë e kryetarit të grup-seksionit, kanë firmosur edhe Abedin Gjini, Shpëtim Vishkulli, Bashkim Tafa, Ardian Rosa, Dalip Mema, Jeti Tufa, Dashamir Leçini, Jetidriz Tafa, Luftim Meta etj, janë gjithsej 11 formularë origjinalë.
Këto janë të njësisë Lekaj.
Dje thanë se nuk kanë firmosur Shpëtim Cani dhe një delegate tjetër, që janë vënë me vizë. Gjithsej kanë firmosur 51 delegatë për mbledhjen e Kuvendit’,- deklaroi Kasa.
