Juristi Ledio Braho ka komentuar në studion e Report Tv, opinionin e dhënë nga Komisioni i Venecias, përmes të cilit rekomandohet zgjatja e afateve të organeve të Vetting
Braho shprehet se duhet një analizë lidhur me faktin sepse KPK nuk ka shqyrtuar brenda afateve kushtetuese subjektet që përballen me Vetting, duke ngritur dyshime lidhur me profesionalizmin e anëtarëve të trupës së Komisionit të Pavarur të Kualifikimit.
Juristi thekson se përgjatë 5 viteve KPK ka kaluar 2/3 e subjekteve, ndërsa përpara se të kalohet në shtyrjen e afateve, duhet të bëhet një analizë sepse ka ndodhur kjo.
“Duhet gjetur ku është problemi, mbase tek anëtaret e KPK që nuk kanë nivelin e duhur të profesionalizmit për ta kryer këtë detyrë sipas parashikimeve kushtetuese në lidhje me afatet. Pra anëtarët nuk janë treguar efektivë”, shprehet Braho, duke shtuar se profesionalizmi i tyre duhet të kalojnë në sitë.
Në vijim ai thekson se ky opinion i fundit i Venecias bie ndesh me opinion që po ky Komision ka dhënë në fillim, sepse nëse pandemia dhe ngritja e KPK duhet të konsideron si shkak për shtyrjen e afatit me 2 vite e gjysmë, kjo nuk është normale.
“Pretendimit që Këshillit Legjislacionit ka ngritur ka të bëjë me atë që KPK ka nisur punën me vonesë për shkak të konfigurimit të saj dhe për shkak të pandemisë. Deri në qershor 2022, afati i fundit për funksionimin e KPK, kanë mbetur rreth 1/3 e subjekteve pa u shqyrtuar nga KPK. Këto janë argumentet kryesor që iu propozuan Komisionit të Venecias.
Parashikohet që KLGJ dhe KLP do i duhet rreth një vit e gjysmë që të kryejnë vetting-un. Jam kundër kësaj qasje sepse KLGJ dhe KLP e kanë pasur gjithë kohën këto vite që të merreshin me këtë çështje duke e ditur që kishte një afat të caktuar. Ndaj nuk besoj se e kanë lënë për 22 qershor që mbaron afati i KPK, që të miratojnë rregullat. Në dijeninë time KLGJ dhe KLP janë të gatshme ta vijojnë procesin e vettingut”, u shpreh Braho për Report Tv.
Për Brahon, referoma në drejtësi nuk ka sjellë asnjë produkt, përveç se ka boshatisur të gjithë sistemin e drejtësisë, duke zvarritur proceset gjyqësore.
“Ne jemi mësuar me deklarata të tipit që reforma në drejtësi po jep fryte, po nuk po shihmi asnjë fry përveç boshatisjes se gjykatësve dhe prokurorive. Duhet të zgjidhet plotësimi i vakancave të cilat sjellin zvarritje të proceseve gjyqësore. Sot një gjyq civil mund të zgjasë tre vite, në shkallë apeli 5 vite dhe vendim të formës së prerë duhet rreth 8-9 vite. Procesi vettingut është e rëndësishme të vijojë por duhet që njëkohësisht ti japin zgjidhje avancave gjyqësore”, tha ai.
