Zyra e Drejtorisë Arsimore Berat ka reaguar pas publikimit të lajmit në lidhje me mësuesin Ëngjëll Bregu.
Në reagimin zyrtar, ky institucion pretendon se nuk ka pasur dijeni që mësuesi Ëngjëll Bregu ka qenë i dënuar më parë për “pedolifi” dhe “ngacmim seksual” të fëmijëve “pasi në dokumentat e sjella pranë kësaj drejtorie nuk kishte asnje dokumantacion të tillë”.
Drejtoria Arsimore e Beratit bën me dije se nuk ishin në dijeni të së kaluarës së Bregut pasi dëshmia e tij e penalitetit ishte e pastër.
Juristja e institucionit ka sqaruar se “emërimi i mësuesit në detyrë është realizuar sipas procedurave ligjore”.
Nga ana e kësaj drejtorie konfirmohet se, menjëherë pas marrjes së këtij informacioni nga mediat për preçedentin e rëndë të mësuesit dhe kërkesës me shkrim te bërë nga drejtoresha e shkollës për shkarkimin e tij, 62-vjeçari është shkarkuar nga detyra.
