Stefano Pioli do të jetë trajneri i Milanit deri në vitin 2023, me mundësi zgjatjeje të marrëveshjes për një sezon tjetër.
Sipas mediave sportive italiane, firmat janë hedhur sot, pasi marrëveshja e klubit kuqezi me trajnerin ishte arritur javët e kaluara. Me kontratën e re, Pioli do të përfitojë 3,5 milionë euro në sezon, që me bonuset mund të shkojë edhe 4.
Në më pak se dy vite, Stefano Pioli ka bërë një punë të mirë në krye të Milanit, duke e kthyer ekipin në Champions League dhe duke luftuar për titullin në Serinë A.
Gjithashtu, po rriten lojtarë të rinj si Leao, Calabria dhe Saelemaekers, ndërkohë që puna e trajnerit ka bërë që të mos ndihen largimet e lojtarëve të rëndësishëm si Donnarumma apo Calhanoglu.
