Një 48-vjeçar është arrestuar nga policia e Beratit për përndjekje.
“U arrestua shtetasi O.Gj., 48 vjeç, banues në Berat, pasi ka bërë kallëzim një shtetase 43-vjeçare se ky shtetas e përndjek dhe e kërcënon në mënyrë sistematike”, njoftoi policia këtë të Premte.
Materialet në ngarkim të këtij shtetasi i kaluan Prokurorisë së Rrethit Gjyqësor Berat, për veprime të mëtejshme, shtuan të njëjtat burime.
