Dinamo do të përballet me Tiranën në “Kupën e Shqipërisë”, për të zhvilluar mes tyre ndeshjen e kthimit, teksa në sfidën e parë “blutë” e Bledi Shkëmbit kanë arritur ta fitojnë me shifrat 2-0.
Pëpara kësaj ndeshje ka folur edhe trajneri i Dinamos, Bledi Shkëmbi i cili tregon se ndeshja me Tiranën do të jetë e vështirë, por ‘blutë” do bëjnë maksimumin për të kaluar në çerekfinale.
“Objektivi minimal është Europa, nesër të arrijmë kualifikimin të bëjmë një ndeshje të mirë që do na shërbejë psikologjikisht në kampionat për t’iu afruar sa më shumë skuadrave të kreut. Koha e gjatë e pushimit nga ndeshja e fundit, na ka bërë mirë. Nuk është e thjeshtë, kemi në ekip lojtarë me eksperiencë, që i kanë provuar këto rezultate.
Objektivi është ndeshja nesër. Duam të fitojmë dhe të kualifikohemi, do na bëjë të ndihemi më mirë edhe në kampionat, sidomos në anën psikologjike. Sofranac është rikthyer, ndërsa pjesa tjetër janë në rregull”, shprehet Shkëmbi.
