Në mesin 731 të dënuarve që lanë sot qelitë e burgut si përfitues nga amnistia ka edhe emra të njohur të botës së krimit.
Sot lanë qelitë e burgut të Sigurisë së Lartë të Peqinit edhe 5 dënuar për vrasje.
Ata janë Mariglen Hoxhallari, Vladimir Shukle, Bledar Spahiu, Gentian Gërdhuqi dhe Gersi Sallufi.
Mariglen Hoxhallari ka vrarë në 15 maj të 2008 kushëririn e parë, Genci Mejdanin, baba të 7 fëmijëve. Ngjarja ka ndodhur pas një sherri në një darkë familjare.
Gersi Sallufi ka vrarë armë me armë zjarri babain e 3 fëmijëve, Durim Sinani, në rrugën nacionale Peqin-Elbasan pas një sherri për parakalim.
Gentian Gërdhuqi nga Vlora është akuzuar për vrasje në 2007, për hakmarrje ndaj fisit Kerri. Të cilët në vitin 1999 i kishin vrarë 3 pjesëtarë të fisit Gerdhuqi, miq të Zani Caushit.
Personat që përfitojnë nga amnistia janë të dënuarit me vendim gjyqësor të formës së prerë, me burgim deri në 2 vjet për dënime të dhëna deri në datën 31 dhjetor 2016, pavarësisht nga koha e mbetur nga dënimi.
