Detaje të reja kanë dalë në dritë nga zhdukja e Eglant Koçit teksa është publikuar foto e makinës që miku i tij Armand Shakaj, përdori për të zhdukur trupin e 34- vjeçarit.
Në automjetin tip Porsche e sekuestruar të autorit hetuesit kanë gjetur vegla pune, mes tyre edhe lopata me mbetje balte.
Ky detaj, sqarojnë burime të sigurta pranë hetuesve, ka forcuar dyshimet se trupi i 34-vjeçarit mund të jetë fshehur në një zonë të izoluar, ndërsa kërkimet vijojnë prej ditësh.
Hetuesit dyshojnë se shkak i ngjarjes të rëndë të jetë bërë një debat i ashpër mes dy shokëve të ngushtë për aktivitetin e paligjshëm të kriptovalutave, apo monedhave virtuale.
Një tjetër pistë që është duke u hetuar edhe mosshlyerja e një shume të konsiderueshme parash.
Pas Krrabës, Elbasanit dhe Librazhdit, kërkimet janë fokusuar në zonën e Qafëmollës dhe në Pëllumbas, zona që dyshohet se janë të njohura dhe që frekuentoheshin shpesh nga autori i krimit, 41-vjeçari Armand Shakaj.
Burime policore bëjnë të ditur se ka dyshime se pas ngjarjes makina e tij të jetë parë në zonën e Pëllumbasit.
