Kryeministri Edi Rama iu përgjigj akuzave të bëra nga kryetari i PD-së Lulzim Basha, se qeverisja e tij e ka zhytur vendin në varfëri.
Rama tha se sipas një raporti të “Eurostat”, Shqipëria ka lënë pas në këtë aspekt vende si Serbia, Rumania dhe Mali i Zi.
“Në kohën tuaj varfëria mbi 40 përqind. Tani, Shqipëria renditet në një grup me Turqinë 22.4 përqind, Letonia 22.9 përqind, Shqipëria 23 përqind, Serbia 23.2 përqind, Rumania 23.8 përqind dhe Mali i Zi 24.5. përqind, me shifrat e Eurostat”, tha Rama nga foltorja e Kuvendit, në replikë me Bashën.
