Ledjana Prenga dhe Mevlan Shaba ishin një nga çiftet më të komentuar dhe më të dashur për publikun në emisionin “Për’puthen” në sezonin e dytë. Pak kohë pasi dolën çift nga programi, dyshja i dhanë fund lidhjes dhe që atëherë kanë vazhduar me deklarata e ‘thumba’ për njëri-tjetrin.
Ledjana tha para pak kohësh se me Mevlanin kishte mbyllur gjithçka, se i kishte bërë “bllok”, madje rrëfeu se ai ka fshirë nga Youtube edhe këngën që i dedikoi.
Mevlani ka përpunuar këngën duke i ndryshuar orkestrimin, mix-in dhe një pjesë të tekstit. Disa ditë para publikimit shkroi në TikTok: “Në fund vendosëm që ishte një krijim i mrekullueshëm dhe duhet të jetë për çdo femër”.
Kënga u publikua ditën e djeshme dhe titullohet “Bota Ime”, duke zëvendësuar kështu emrin e Ledjanës.
