Një 36-vjeçar u arrestua nga policia në Sarandë për armëmbajtje pa leje.
A.C, banues në fshatin Kalivaç të Tepelenës, u vu në pranga, njoftoi policia këtë të Shtunë.
Sipas bluve, ai u ndalua për një kontroll në lagjen numër 3, por tentoi ti shmangej, duke u larguar me vrap dhe duke hedhur nga çanta e tij e dorës një armë zjarri pistoletë.
Megjithatë, arratia nuk rezultoi e suksesshme dhe ai u arrestua.
Në cilësinë e provës materiale u sekuestrua arma e zjarrit tip pistoletë dhe 1 krehër me fishekë luftarak.
