14 raste të reja me koronavirus nga 1,696 u regjistruan sot në Kosovë. Nuk raportohet për humbje jete.
Në 24 orët e fundit, janë shëruar edhe 17 pacientë, ndërsa raste aktive janë 444.
Sa i përket fushatës së vaksinimit, sipas njoftimit, në 24 orët e fundit u administruan 2.413 doza të vaksinës.
Që prej fundit të Marsit, kur filloi fushata e imunizimit kundër koronavirusit, në Kosovë janë vaksinuar me dy dozat e vaksinës 744,671. Ndërkaq, me një dozë janë të vaksinuar 842,794 persona.
