Dashamir Tahiri bëri një deklaratë bombë në emisionin “Të Paekspozuarit” nga Ylli Rakipi. Teksa foli për heqjen e mandatit të tij, Tahiri akuzoi drejtë për drejtë sekretarin e Ambasadës Amerikane se ka ushtruar presion ndaj KQZ-së.
Ylli Rakipi: Megjithatë ju keni patur një sqarim konfidencial, nga Kryetari i Komisionit të Zgjedhjeve. Çfarë ju tha ai?
Dashamir Tahiri: Është thënë që kemi patur trysni. Nga diplomat të huaj.
Ylli Rakipi: Diplomat të huaj kush? Se aty dy veta dalin, ambasadori Lu dhe Vlahutin? Kush nga ta?
Dashamir Tahiri: Ka qenë sekretari i Ambasadës Amerikane.
Ylli Rakipi: Domethënë ky ia ka kërkuar dhe Kryetarit të Komisionit të Zgjedhjeve që të kryhet kjo?
Dashamir Tahiri: Po. Ua ka kërkua, pa dyshim. Këto janë presionet politike.
Ylli Rakipi: Si e mendoni këtë gjë?
Dashamir Tahiri: E mendoj shumë të rëndë. Atje ku bëhet krim jam dakord të bëhet presion. Njerëzit nuk mund të futen në një thes, ndahen gjërat, nuk mund ta bësh tjetrin kriminel me pahir.
