Bayern Munchen vijon të fitojë në Bundesliga duke treguar se ajo humbje e thellë në Kupë ishte thjeshtë një incident. Bavarezët arritën fitoren e katërt radhazi teksa mundën Freiburg 2-1 që çuditërisht dhe në mënyrë surprizë ishte i vetmi ekip që nuk kishte pësuar humbje në kampionat.
Nuk ishte e lehtë për skuadrën e Nagelsmann që gjithsesi arriti të shënonte që në pjesën e parë me Leon Goretzkan ndërsa në të dytën me të përhershmin Robert Lewandowski. Në fund të ndeshjes, Freiburg hapi sfidën me një gol të Haberer por nuk kishte më kohë.
Në ndeshjet e tjera, Wolfsburg mori fitoren e dytë radhazi me trajnerin e ri teksa mposhti 1-0 Augsburg dhe Stuttgart u mund 0-1 në shtëpi nga Arminia Bielefeld.
