Një ngjarje e rëndë ka ndodhur në Stamboll të Turqisë. Një person ka qëlluar me armë gjahu dy vëllezër, me të cilët ka pasur një konflikt të mëparshëm.
Ngjarja ka ndodhur në lagjen Kagithane Merkez, ditën e sotme 5 nëntor rreth orës 12:00. Sipas informacioneve të marra, shtetasi i huaj, Ala Alrahmo A. (37) dhe vëllai i tij, Maree Alrahmo A. (35), janë qëlluar nga shtetasi i huaj Abdulkadir H. (26).
Pas incidentit sulmuesi u largua nga vendi i ngjarjes me makinën e tij.
Momentet horror u pasqyruan në kamerat e sigurisë sekondë pas sekonde. Në pamjet filmike, një makinë e kuqe hyn në rrugë teksa qytetarët po ecin në rrugë.
Autori zbret nga automjeti dhe më pas sulmon dy vëllezërit. Të dy u dërguan me urgjencë në spital dhe mësohet se janë jashtë rrezikut për jetën. Nga ana tjetër, ekipet policore kanë nisur punën për kapjen e autorit të ngjarjes.
