Një 43-vjeçar, i identifikuar si Ruzhdi Hoxha, prej 13 ditësh rezulton i zhdukur, ndërkohë që familjarët kanë denoncuar rastin në komisariatin numër 5 në kryeqytet.
Hoxha nuk ka kontakt me familjen e tij prej afro dy javësh, ndërsa policia po heton rastin. Nga raportimet mësohet se policia ka gjetur një celular në afërsi të shkollës së bashkuar, që dyshohet se i përket personit të zhdukur.
Nuk dihet nëse Hoxha ka qenë i përfshirë në ndonjë ngjarje me natyrë kriminale, ndërkohë që grupi i hetimit po mbledh të gjitha provat për të rënë në gjurmët e tij.
Hoxha ka një biznes inertesh në zonën e Kamzës, dhe është baba i dy fëmijëve. Ai ka pasur kontakt për herë të fundit me familjen e tij në datën 21 Tetor, në orën 23:00 të mbrëmjes.
