Ish-Kryeministri Sali Berisha u shpreh nga Kamza, atje ku po zhvillon “Foltoren” e 14 në më pak se 2 muaj, se Edi Rama përdori paratë e drogës për të shkelmuar votat.
Berisha paralajmëroi protesta të fuqishme kundër atij që e quajti si narko-shteti, duke shtuar se askush në Botë nuk do të njohë sistemin e patronazhistëve dhe blerjen e votës duke përdorur paratë e drogës dhe bandat.
“Edi Rama përdori bandat dhe paratë e drogës, bleu votat, por ta harrojë se nuk do të përgjigjet një më një, për ato që i ka bërë shqiptarëve.
Ne e dorëzuam pushtetin me një borxh prej 62 %, ndërsa e morëm në nivelin 54 %. Por ne ia dolëm të ndërtojmë mbi 1300 shkolla e kopshte, qindra ujësjellëse dhe kanalizime. Rritëm pagat dhe pensionet, ndërtuan qindra kilometra rrugë e tunele.
Po Edi Rama çfarë bëri? Rriti borxhin në pothuajse 100 %. Ku shkuan miliardat euro që u morën borxh? Çfarë u ndërtua?
Ku shkuan këto miliardat? U ndanë mes një lukunie hajdutësh. Edi Rama sot në mandatin e 3-të ka ngritur kabinetin më të korruptuar. Belinda Balluku mban rekordin me tenderat e Unazës, anullon një tender dhe hap njv tjetër duke rritur vlerën me 5 mln euro. Balluku i parë nuk ka vjedhur as 10 % të kësaj që po merr mbesa e tij”, u shpreh Berisha.
Në vijim, ai shtoi se shikoni ministren e Jashtme, Olta Xhaçka, që vjen nga skemat Piramidale, e cila kur ishte ministre e Mbrojtjes, nuk la tender pa bërë në kohë pandemie.
“Kreu i meduzës është Edi Rama, ndërsa ministrja e Kulturës shkon dhe i shet serbëve, lahutën”, tha Berisha.
