Njëzet e tetë raste me koronavirus u konfirmuan të Premten në Kosovë, bëri të ditur Ministria e Shëndetësisë.
Sipas raportit të saj ditor, rastet e reja pozitive rezultuan nga 1,958 testime.
Në 24-orëshin e fundit nuk u regjistrua asnjë viktimë nga koronavirusi, ndërsa u shëruan 25 pacientë.
Aktualisht, raste aktive me koronavirus në Kosovë janë 431.
Numri i qytetarëve të vaksinuar plotësisht është mbi 720,000.
Sipas të dhënave të saj, dozën e parë të vaksinës kundër koronavirusit e kanë marrë mbi 838,000 qytetarë të Kosovës.
