Kryetari i Partisë Demokratike Lulzim Basha, në replikë me kryeministrin Edi Rama nga foltorja e Kuvendit, tha se Rama, Meta e Berisha, janë si tre brinjët e trekëndëshit të Bermudës.
“Shko dhe ti në foltore ose nis foltoren tënde, bëni trekëndëshin e Bermudës dhe qani hallet. Unë jam këtu për të qartë hallet e popullit as të Berishës, as të tuat e as të Metës. thuaje që të ka marrë malli për Berishën dhe Metën, por mua do më kesh përballë, që siç të munda në 2011-ën do të të mund prapë”, tha Basha.
“Mos u kap te trekëndëshi i Bermudës megjithëse je një nga brinjët, koha e trekëndëshit të Bermudës ka marrë fund”, shtoi më tej Basha.
“Ka një betejë me llumin e 30 viteve tranzicion, koka i të cilit je ti”, akuzoi Basha-kryeministrin, i cili tha më tej se është i vendosur për të pastruar llumin në politikë në të gjitha kampet.
“Trekëndëshi i Bermudës i ka ditët e numëruara, një nga një brinjët do të bien”, u shpreh Basha.
Kryeopozitari apeloi qeverinë që të votojë nismën e PD për vetingun në politikë.
“Bëhu ti burrë njëherë në jetën tënde dhe voto vettingun e politikanëve. Ndryshe nga rregulli i vjetër mos ta fillojmë nga plaku, por nga i riu. E bëj unë i pari, në të gjithë kompetencat e tij, pastaj ti i dyti dhe në fund të gjithë politikanët. E ke të thjeshtë. Do t’i japësh fund këtij monologu që bën këtu, ku të ka shteruar edhe mundësia për të mos përsëritur figurat letrare, e ke të thjeshtë, voto vettingun në politikë. Lëri punët e demokratëve se i kanë punët e qarta”, tha Basha.
Deklaratat e Bashës nga Kuvendi
Lexo edhe:
Ulja e TVSH-së për mallrat e shportës/ Basha: Masë urgjente për të ndihmuar familjet shqiptare
Basha: Rama po i bën presion zëvendësuesit të Ardi Veliut në krye të Policisë
Basha-Ramës: Nga do marrësh leje për vetingun në politikë, Gjoka, Salillari apo Toma
Basha-Ramës: Ngritët kullën në Tiranë me bosin e kokainës
