Krim masiv, e ka cilësuar Partia Demokratike, helmimin e qytetarëve në Krujë si pasojë e ujit.
Në një deklaratë pvr mediat, nënkryetari demokrat i Kuvendit, Enkelejd Alibeaj, dhe deputetja Merita Bakiu, i kanë bërë thirrje Qeverisë që të marrin në dorë instrumentat që i jep ligji, dhe të hetojnë dhe çojnë para përgjegjësisë cilindo zyrtar që ka përgjegjësinë për një situatë të tillë.
Deputetja e Krujës, Bakiu, tha se 1200 qytetarë u helmuan nga uji i pijshëm. “Kryetari i Bashkisë Artur Bushi duhet të japë dorëheqjen, pasi është përgjegjësi kryesor për helmimin masiv të krutanëve”, tha ajo.
Ndërsa deputeti Alibeaj tha se institucionet e shtetit u vunë në lëviyje vetëm pasi PD dhe deputetët e saj këmbëngulën dhe shkuan në vendin e ngjarjes. “Mesa duket në këtë vend, institucionet nisin të lëvizin dhe marrin në dorë instrumentet që i jep ligji, vetëm pas presionit të opozitës”, tha Alibeaj.
