Ka përshkallëzuar situata në zonën e “5 majit” mes banorëve dhe policisë pasi këta të fundit po zbatojnë urdhërin për t’i larguar nga banesat të cilat janë përcaktuar për t’u shembur.
Banorët thonë se njoftimi u ka ardhur vetëm së fundmi ndërkohë që nuk u është dhënë asnjë lloj sqarimi edhe pse disa prej tyre shtëpitë i kanë pasur të legalizuara. Më tej ata shprehen se do të rezistojnë deri në fund për të mbrojtur banesat e tyre nga shembja.
“Edi Rama të vijë këtu e të dalë para nesh se nuk po e vret njeri. Më mirë të na pushkatojnë, vdekja nuk është asgjë. Të kryejmë punë njëherë e mirë, të paktën të mos lëmë fëmijët në rrugë të madhe”, shprehet një banore për Faxnews.
Dokumenti na ka ardhur vetëm në ditën e premte, si me i thën një motorristi, më sill një sufllaqe. Na kanë njoftuar që afati ishte deri në datën 26 tetor. Rezistencë do të bëjmë deri në fund.
