Një e afërme e familjes ka rrëfyer krimin e rëndë të ndodhur mbrëmjen e sotme në Mekat të Vlorës, ku nipi fillimisht ka qëlluar për vdekje xhaxhanë e tij dhe më pas veten.
Sipas të afërmes së viktimave, nuk kishin dijeni për konflikt mes tyre.
Ajo shprehet se ka dëgjuar britmat e nënës së Genci Koretës dhe më pas ka ardhur në vendin e ngjarjes.
“Jemi kushërinj. Një fis jemi. Dëgjova dhe erdha. Dëgjova ulërimat e të ëmës. Nuk kanë pasur konflikte. Ka qenë këtu ka pas emigruar më para. Dëgjova të ëmën dhe erdha. Ishte djalë me të gjitha cilësitë. Xhaxhai ri në Vlorë me shtëpi. Asnjëherë nuk kemi pasur debate. Ai skuqej kur të fliste me gojë jo më të kishte debate” tha e afërmja.
