Kreu i Grupit Parlamentar demokrat, Alfred Rushaj, njëherazi edhe nënkryetar i PD-së, në emisionin “Kjo Javë” ka sqaruar arsyen sepse deputeti Flamur Noka u largua si nënkryetar i Komisionit të Sigurisë, dhe për rrjedhojë edhe nga Kryesia e Grupit Parlamentar.
Sipas Rushajt, Noka u largua jo për shkak të mendimeve të kundërta që kishte me kreun e PD, Lulzim Basha, por se deformoi deklaratat e këtij të fundit.
“Është larguar nga pozicioni i zv/kryetarit jo se ka shprehur mendime të kundërta me z.Basha por sepse në mënyrë të përsëritur, ka deformuar ato çfarë Basha ka thënë në mbledhje, dhe këtë e ka bërë me një qëllim që s’kanë të bëjnë me divergjencën e mendimeve të njëri apo tjetrit. Ai as nuk është larguar as përjashtuar”, tha Rushaj.
