Jasir Asani nuk ka humbur asnjë derbi kundër Tiranës, duke qenë shumë i suksesshëm te Partizani. Tashmë pjesë e Kisvardas në Hungari, Asani nuk e mohon një rikthim të mundshëm në kryeqytet, ndërsa për “Panorama Sport” parashikon edhe rezultatin e saktë të derbit, duke thënë se fiton Partizani me rezultatin 2-1.
Jasir, si po ju shkon aventura në Hungari?
Ekipi po ecën mirë, të shikojmë me kohën se si do të shkojnë gjërat. Ndeshje pas ndeshjeje, do të shikojmë gjithçka.
E keni ndjekur këtë sezon të ri në Superiore?
Si ju është dukur ecuria e Partizanit pas 5 javësh? Normalisht që e kam ndjekur dhe mund të them se ekipit i ka munguar vetëm goli, pasi loja ka qenë shumë e mirë dhe shumë cilësore. Megjithatë, besoj se ky ngërç do të zgjidhet dhe shumë shpejt do të vijnë edhe fitoret.
Më shumë i mungoni ju Partizanit apo Partizani juve? (Qesh)
Nuk e di… Mua më mungon Partizani, sepse kam qenë për shumë vite aty, por edhe Partizanit i mungon Jasiri.
Një parashikim të saktë rezultati?
Besoj se do të fitojë Partizani me rezultatin 1-2!
/Panoramasport
