Vijon të mbajë pezull drejtuesit dhe tifozët çështja Lucas Hernandez. Mbrojtësi i Bayern Munchen u paraqit në gjykatën e Madridit ku iu njoftua se nëse apelimi i çështjes nuk sjell një vendim të ri, ai duhet të futet në burg pas 7-8 ditësh.
Sipas raporteve nga “Bild”, Lucas Hernandez mund të vuajë dënimin me burg në Gjermani duke nisur nga 28 tetori pasi ai u dënua në vitin 2018 me gjashtë muaj burg për mosrespektimin e kufijve të vendosur nga gjyqtarët pas një rasti të dhunës në familje.
Të hënën, lojtari francez shkoi në Gjykatën e Madridit aty ku ndodhi vepra penale kur aktivizohej për Atleticon, për t’u informuar për urdhrin e tij të burgimit dhe në të njëjtën kohë duke bërë edhe apelimin.
Hernandez ende shpreson për lirimin para 28 tetorit, e në të kundërt ai do të duhet të fillojë paraburgimin e tij. Sipas gazetës gjermane, lojtari mund të vuajë dënimin në Gjermani për sa kohë që ai jeton atje.
Në këtë mënyrë ai mund të stërvitej gjatë ditës dhe pastaj të kthehej në burg. Në këtë drejtim, tashmë ekziston një precedent, përsëri me klubin e Bayernit, që lidhet me Uli Hoeness. Ish presidenti i dënuar për evasion fiscal, e kreu në këtë mënyrë pjesën më të madhe të dënimit me burg.
