Gjergj Koja, ekspert i shëndetit publik pranë ISHP, u shpreh mbrëmjen e sotme se vendi është në luftë dhe në luftë prevalon një tjetër ligj.
I pranishëm në emisionin Opinion, ku po debatohet lidhur me vaksinat e detyruara ndaj studentëve, Koja tha se ne kohë pandemie prevalon ligji për pandemitë.
Kjo ishte përgjigjia që ai i dha studentëve, të cilët i kujtuan konventat europiane dhe ato ndërkombëtare, lidhur me të drejtat.
“Ju po na pengoni të arsimohemi, po shkelni konventat mbi të drejtat e arsimimit”, iu drejtua një student, përfaqësuesve të ISHP dhe Ministrisë së Shëndetësisë.
“Ku e keni hallin ju, keni dyshime lidhur me vaksinat? Na thoni argumente, ne jemi në luftë, prevalon një tjetër ligj”, tha Koja, duke iu përgjigjur kundërshtive të studentëve.
