Një 33-vjeçar shqiptar ka rënë në prangat e policisë italiane pasi akuzohet se ka dhunuar barbarisht të fejuarën e tij italiane, mjekun në spital, një infermiere dhe një polic që tentoi ta ndalonte.
Sipas raportit të mediave italiane, ngjarja e rëndë ka ndodhur në Bolonjë të Italisë.
Raportohet se shqiptari, identiteti i të cilit ende nuk dihet, ka dhunuar partneren e tij një natë më parë duke e bërë për spital. Kur ka shkuar në ambientet e spitalit shqiptari ka dhunuar mjekun roje dhe një infermiere, për motive ende të paqarta. Por nuk është ndalur këtu. Kur një karabinier ka tentuar ta arrestojë, shqiptari e ka dhunuar edhe atë.
Mediat italiane raportojnë se shqiptari dhunues është arrestuar dhe është lënë 30 ditë në burg përpara se të dalë para gjykatës.
