Afro 1 milionë e 120 mijë shqiptarë kanë emigruar jashtë vendit tonë gjatë 25 viteve të fundit, ose gati 28% e popullsisë.
Është ky konkluzioni i studimit të publikuar nga agjencia e statistikave “Pew Research Center”, e cila ka përdorur të dhënat e vitit 2015 të Organizatës së Kombeve të Bashkuara
Sipas studimit Shqipëria është ndër 3 vendet e para në botë me “humbjen” më të madhe të popullsisë nëpërmjet emigracionit. Në raport popullsie vendi ynë ka më shumë humbje të popullsisë sa edhe vetë Siria, e cila është prej vitesh në gjendje lufte.
Vendi i parë në botë që ka numrin më të madh të emigrantëve në raport me popullsinë është Bosnje-Hercegovina.
Emigrimi i kapitalit njerëzor ndikon përgjithësisht negativisht në zhvillimin e një vendi.
