Partizani do të luajë të dielën kundër Kukësit, ndeshje e vlefshme për javën e pestë të Superiores. Një sfidë me vlerën e titullit për vetë objektivin e njëjtë që kanë këto dy skuadra.
16-herë kampionët e vendit kanë zyrtarizuar axhendën dhe ashtu siç ishte bërë me dije, ky takim do të zhvillohet në stadiumin “Air Albania”. Ndeshja do të startojë në orën 16:45 dhe pritet që të ketë tifozë të pranishëm nga dy kampet.
Pozitat në tabelën e klasifikimit janë të favorshme për Kukësin, por jo për të kuqtë. Verilindorët renditen në vendin e tretë me 7 pikë, 1 më pak se Tirana dhe Teuta, ndërsa Partizani gjendet në vendin e shtatë me 3 pikë.
