Kreu demokrat, Lulzim Basha, ka zbardhur çështjet e diskutuara me një delegacion të Senatit amerikan, që vizitoi selinë e Partisë Demokratike.
Basha tha se çështjet e diskutuata kishin të bënin me situatën në Shqipëri, rolin e Partisë Demokratike në Parlament, por edhe situatën në Rajon, veçanërisht pas provokimeve serbe në kufirin në veri të Kosovës.
Kreu demokrat tha se gjithashtu miqtë amerikanë u interesuan edhe për proceset integruese dhe avancimin e agjendës europiane të Shqipërisë drejt Bashkimit Europian.
“Demokracia shqiptare ndodhet në një udhëkryq veçanërisht pas masakrës zgjedhore të 25 prillit”, tha Basha, duke shtuar se do të bashkëpunohet për të kthyer vendin në shinat e demokracisë.
