Redi Balla është djaloshi 22 vjeçar i cili ka shkuar në spitalin e Traumës i plagosur.
Policia informoi se Rreth orës 22:35, tek lulishtja në rrethrrotullimin e Komunës së Parisit, në rrethana ende të paqarta, dyshohet se është plagosur me armë zjarri brenda mjetit të tij të parkuar i riu.
Mësohet se ai është gjetur i plagosur me një plumb në këmbë dhe nuk dihet nëse autori ka qenë në të njëjtën makinë.
Kane qenë banorët e zonës të cilët kanë raportuar për të shtëna armësh dhe më pas policia ka shkuar në vendin e ngjarjes. Raportohet se i plagosur ndodhet në sallën e operacionit për të hequr plumbin ndërsa është jashtë rrezikut për jetën.
