Aktori Florjan Binaj, një prej pjesëmarrësve në protestën qytetare kundër rritjes së çmimeve, iu ka drejtuar një apel shqiptarëve që të reagojnë për të ndryshuar situatën.
Një thirrje të veçantë, ai pati edhe për artistët.
“U bëj thirrje të gjithë artistëve, ndjekësve të mi, të vijnë të protestojnë se nuk u bien ndjekësat në Instagram.
Të gjithë e duam Shqipërinë si Evropa, por vetëm naftën kemi si Evropa. Të gjithë e duam Shqipërinë si Evropa, por vetëm çmimet e shtëpive dhe qirave kemi si Evropa.
Të gjithë e duam Shqipërinë si Evropa, por vetëm ujin dhe dritat i kemi si Evropa. Hajdeni të mblidhemi ta bëjmë këtë vend dhe të mos rrimë me atë shprehjen shyqyr që na dhj** zogu dhe të na e bëjë zoti mbarë,” u shpreh Binaj.
Pedagogu Ervin Goci, gjithashtu u kërkoi qytetarëve që të mblidhen pasi situata është e rëndë.
Goci tha po ashtu se protestat duhet të vazhdojnë çdo ditë.
“Unë kërkoj të protestojmë sepse situata është e rëndë. Nëse nuk solidarizohemi do të biem të gjithë në gropë dhe do ta mbajmë në sup për vite,” u shpreh ai.
