Ditën e sotme, do të zhvillohen dy ndeshjet e tjera të javës së katërt në Kategorinë Superiore.
Në orën 13:45, në stadiumin “Arena Egnatia”, do të luhet ndeshja Egnatia-Kastrioti. Të dyja skuadrat nuk vijnë nga një moment i mirë ku të dyja përmbyllin tabelën e renditjes teksa skuadra rrogozhinase është në vendin e 9 me dy pikë me një humbje dhe dy barazime, ndërsa krutanët ndodhen me një pilë në vendin e fundit me dy humbje dhe një barazim.
Ndeshja tjetër është në orën 16:45, në stadiumin “Skënderbeu”, ku do të luhet takimi Skënderbeu-Vllaznia. Skuadra korçare renditet në vendin e 8 me një humbje dhe 2 barazime, ndërsa ekipi shkodran është diçka më ndryshe teksa renditet në vendin e tretë në kuotën e 5 pikëve me 1 fitore dhe dy barazime.
