Dinamo e ka mbyllur në avantazh 1-0 pjesën e parë ndaj Partizanit. Vendimtar në fraksionin e parë të lojës rezultoi goli i kapitenit Ibrahimi në minutën e 15-të. Pas një asistit të Çinedut, mesfushori nuk fal përballë portierit Alban Hoxha.
Partizani provon të organizohet duke u hedhur në sulm në kërkim të golit të barazimit. Rasti i parë i rrezikshëm vjen në minutën e 25-të. Portieri Harizaj bën heroin, duke i mohuar golin e barazimit Tedi Carës, i cili provoi brenda zonës, por u ndal nga gardiani dinamovit.
5 minuta më vonë vjen tjetër kërcënim në portën e Harizaj. Pas një harkimi nga këndi i Kaçes, devijon me kokë Stenio Zhunior, por Belica nuk arrin ta devijojë drejt rrjetës.
Tjetër mundësi e mirë e Partizanit krijohet në minutën e 36-të. Musta provon brenda zonës, por topi shkon jashtë kuadratit.
Ndërkohë në sekondat e fundit të 45 minutave të para Dinamo mbetet me 10-futbollistë. Sofranak ndëshkohet me karton të kuq për ndërhyrje të gabuar ndaj Stenio Zhunior. Fillimisht gjyqtari Cjapi akordoi karton të verdhë, teksa pas verifikimit nga VAR-i u akordua karton i kuq për mbrojtësin e Dinamos.
