Nesër, në “Elbasan Arena” do të luhet derbi i kryeqytetit mes Dinamos dhe Partizanit, i vlefshëm për javën e katërt të Superiores. Kjo sfidë pritet me mjaft interes nga gjithë sportdashësit shqiptarë për vetë historinë që mbart.
Takimi është planifikuar të zhvillohet në orën 19:45 pikërisht në impiantin e Elbasanit që kohët e fundit është shndërruar në të preferuarin e ekipeve të Superiores.
Mbjellja e barit në shumë stadiume të vendit në këtë periudhë, ka bërë që shumë skuadra të shtegtojnë në Elbasan.
Pavarësisht ndeshjeve të shumta të luajtura në të, shihet qartë që impianti verdheblu është në gjendje të mrekullueshme.
