Ish-sekretari i Përgjithshëm i Partisë Demokratike, Arben Ristani, i ftuar në emisionin “Çim Peka Live” në Syri Tv, ka folur për zhvillimet në partinë më të madhe opozitare.
Ristani thekson se Basha ka thënë shpesh herë “kurrë”, për gjëra që në fakt kanë ndodhur, prandaj atij nuk i besohet fjala “kurrë”.
Ai shton se duhet që PD duhet të demokratizohet, gjë të cilën e tha edhe Berisha tek “Foltorja” në Vlorë.
“Basha thoshte kurrë nuk do hyjmë në zgjedhje me Ramën e nuk ndodhi. Basha tha se Fatmir Xhafaj nuk do bëhet ministër i Brendshëm dhe ndodhi. Del, se Bashës nuk i besohet kur thotë “kurrë”.
PD është mirë që kalon në të tilla debate, se lëvizin ujërat në parti. Duhet të ketë Kuvend mbi bazë të platformë të plotë. Duhet të demokratizohet PD, e tha edhe Berisha, teksa foli për primaret. Basha përpiqet të asociohet me SHBA. Basha është humbës përsëritës. Berisha është shansi i fundit për rikthim aty ku duhet”, deklaron Ristani.
