Policia ka dhënë detaje lidhur me aksidentin e ndodhur mëngjesin e sotëm në aksin Burrel-Milot, ku mbetën të plagosur 6 persona.
Mësohet se aksidenti ka ndodhur në fshatin Baz të Burrelit, ndërkohë të plagosurit janë transportuar drejt spitalit të Traumës në Tiranë.
Njoftimi:
Mat/informacion paraprak
Reth orës 06.30, në aksin rrugor Burrel-Ulëz, në vendin e quajtur Bushkash, shtetasi Z. Ç., duke drejtuar automjetin e tij, ka humbur kontrollin dhe ka dalë nga rruga.
Si pasojë e daljes së mjetit nga rruga është lënduar drejtuesi i mjetit dhe 5 pasagjerë të cilët janë transportuar për ndihmë mjekësore më të specializuar drejt Tiranës.
Grupi hetimor vijon hetimet në vendngjarje për zbardhjen e shkaqeve të aksidentit.
