Këtë pasdite u luajtën disa nga ndeshjet e javës së pestë të Premier League dhe në fushë zbritën Manchester City dhe Liverpool, dy nga favoritët kryesorë për të triumfuar në fund të sezonit. Skuadra e Jurgen Klopp mundi me shifrat 3-0 londinezët e Crystal Palace në “Anfield”.
Sadio Mane shënoi në minutën e 43-të, ndërsa Salah tundi rrjetën në të 78-ën, duke rezervuar tri pikët e radhës. Në fund kishte kohë edhe për golin e tretë, që u shënua nga Naby Keita në minutën e 89-të.
Edhe Arsenal mundi të fitojë sot, duke mundur Burnleyn, falë golit të Odegaard pas gjysmë ore lojë. Ngecje për Manchester Cityn këtë javë. Skuadra e Guardiolas u ndal nga Southempton me shifrat 0-0. Armando Broja u aktivizua në minutën e 68-të.
Me triumfin e sotëm Liverpool kryeson me 13 pikë pas 5 betejash. Tre më pak ka City, që momentalisht renditet në vendin e dytë, teksa shumë poshtë është Arsenal, që renditet e 12-ta me vetëm 6 pikë, por lajmi i mirë është se sot regjistruan fitoren e dytë radhazi.
