Policia e Vlorës njofton se ka vënë në pranga një 42-vjeçar i shpallur në kërkim për veprën penale “Trafikimit të Klandestinëve”.
Ai ishte shpallur në kërkim, pasi Gjykata e Shkallës së Parë Vlorë, në datë12.04.2021, i ka vendosur masën e sigurisë “Arrest në burg”.
Specialistët për Hetimin e Trafiqeve dhe Natkotikëve, në bashkëpunim me Forcën e Posaçme Operacionale në DVP Vlorë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin M. Ll., 42 vjeç, banues në Vlorë. Ky shtetas ishte shpallur në kërkim, pasi Gjykata e Shkallës së Parë Vlorë, me vendimin e datës 12.04.2021, i ka vendosur masën e sigurisë “Arrest në burg”, vendim ky në funksion të njohjes dhe ekzekutimit të vendimit të Gjykatës së Apelit në Selanik, Greqi, të datës 19.06.2013, ku shtetasi M. Ll, hetohet për veprën penale “Trafikimit të Klandestinëve”, sipas Kodit Penal grek.” – njofton policia.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
