Vdekja tragjike e 28-vjeçarit nga Kumanova Ajdin Mustafi, i cili ra nga kati i pestë tek hotel “Rogner”, ka shokuar mbarë opinionin publik.
Dyshohet se shkak i ngjarjes u bë këputja e kangjellave të amortizuara të ballkonit, në të cilat i riu ishte mbështetur. Më pas ai u tanspoortua me urgjencë në spital, por nuk mundi t’i bijetonte plagëve të rënda. Në lidhje me ngjarjen, policia e Tiranës ka proceduar në gjendje të lirë administratorin e hotelit “Rogner” dhe përgjegjësin e mirëmbajtjes për shkelje të rregullave të mbrojtjes në punë.
Burime nga Prokuroria e Tiranës raportojnë se hetuesit janë të bindur se ngjarja ka ndodhur për shkak të amortizimit të kangjellave. Ndërkohë të pyetur nga mediat në lidhje me shkaqet e ngjarjes, përfaqësues të hotelit janë shprehur se nuk e kanë të qartë se çfarë e shkaktoi vdekjen e 28-vjeçarit.
