Deputeti Gazmend Bardhi i ftuar në Open komentoi zhvillimet e fundit brenda PD-së, konkretisht lëvizjen e ish-kryeministrit Sali Berisha.
Bardhi tha se ishte dakord me lëbvizjen e tij, por shtoi se mes Berishës dhe Bashës nuk ka një luftë, por është një qëndrim i detyruar.
Deputeti Bardhi tha gjithashtu se Basha e mori vendimin për Berishën, i detyruar nga rrethanat në të cilat u vendos nga SHBA.
Ndërsa shtoi se në momentin që rrezikohen interesat e PD, secili prej nesh duhet tëbëjë një sakrificë.
Si u rrezikuan interesat?
Berisha është në dijeni të rreziqeve në mosdhënies së zgjidhjve të një çështjeje. Nuk mund të shmangen nga ky debat SHBA-të sepse vendimi i Bashës është pasojë e ngrirjes së lëvizjes së Berishës nga DASH.
“Në rast se Basha nuk do kishte marrë vendimin , interesat e PD dhe demokratëve do ishin cënuar në mënyrë të parikuperueshme”, tha Bardhi.
Më tej ai tha se po e thotë këtë gjë me kompetencë dhe nuk po mashtron askënd. Bardhi tha gjithashtu s emund të kishte dhe një zgjidhje të ndërmjetme, që mund të ishte bindja e Berishës për t’u larguar me vullnet të plotë.
Gazmend Bardhi tha se nuk i ka dëgjuar deklaratat e ish-kryeministrit, dhe i cilëson ato emocionale.
