Edmond Ramushi, 50 vjec i dha fund jetës sot duke u mbytur në liqenin artificial në Tiranë. Por kush ishte viktima dhe cilat qenë arsyet që e shtynë të ndërmerrte aktin ekstrem?
Mësohet se 50 vjecari ishte në kushte të vështira ekonomike dhe kjo ka sjellë edhe gjendjen e tij të rënduar psikologjike. Ai kishte aplikuar për një kredi në një bankë të nivelit të dytë në Tiranë por nuk i ishte aprovuar. Në këto kushte Ramushi nuk ka gjetur tjetër zgjidhje dhe ka ndërmarrë aktin e vetëflijimit.
Në gjendje të rëndë depresive ai ka shkuar paraditen e sotme te liqeni dhe pasi ka hequr xhupin dhe ka lënë celularin në vendin e ngjarjes ka hyrë në ujërat e liqenit, duke i dhënë fund jetës.
Ngjarja ka ndodhur sot rreth orës 11:20, kur policia ka marrë një telefonatë tek numri i emergjencave 112, se një person ka hyrë në brendësi të Liqenit Artificial.
Menjëherë kanë shkuar afruar shërbimet e Policisë, të cilët kanë gjetur trupin e pajetë në afërsi të Digës së Liqenit Artificial.
