Një shqiptar ka humbur jetën në një aksident me makinë në Greqi. Aksidenti ndodhi në orët e para të së mërkurës në Livadia.
Mediat helene raportojnë se 32-vjeçari shqiptar ishte duke udhëtuar me makinë në drejtim të zonës së Tebës, kur ka humbur kontrollin dhe është përplasur me pjesën e pasme të një kamioni.
Raportohet se përplasja ka qenë shumë e fortë, sa që është dashur ndërhyrja e forcave të zjarrfikëses me qëllim nxjerrjen e shqiptarit të plagosur prej mjetit, ndërsa ai ka humbur jetën në spital.
Një hetim ka nisur për rastin.
Gejenralitetet e viktimës nuk bëhen me dije nga raportimet e mediave greke.
